""සිතු දේ නොම වෙයි නොසිතු දෙයක් වෙයි""
අද හිමිදිරි පාන්දර දහයට මා අවදිවනවිට ඇසුන ගීතයත් සමග මට සිහිවූයේ පාලයියාය.... පාලගේ අන්ඩ කොන්ට්‍රෝල් වැඩක් මාට්ටු වීම නිසා පැනි වරකාවට හෙන වැදුනේය.... බතල බහිනකම් සිටියත් තැම්බෙනකම් ඉවසන්න බැරිවී නිර්මලා නමැති ගොනා බැඳි ලෝකාස්වාද රථය පාලගේ කෙවිටෙන් ගසමින් හොරපාරේ දැක්කවීමට ගත් උත්සාහය පාල හාමිනේට හසුවූ පසු පාල අයියාට බිං අයිතියත් , බත් කාඩ් එකත් , අහිමි විය.... පාලහාමිනේට මුහුන දීමට නොහැකි වූ පාලයියා පුරුදු පරිද් නැවතත් ගරාජයේ ලෑලි ඇඳේ පදිංචි විය..... මේ වන විටත් මේ ගැන කිසිවක් නොදැන සිටි මා මේ ගැන පාලයියාගෙන් විමසුවද කිසිවක් නොපැවසීම මාහට මහත් ගැටලුවක් විය..... මා විසින් අසන ලද සෑම ප්‍රශ්නයකටම මුනිවත රැකි පාලයියාට යමක් සිදුවී ඇති බව අප සියල්ලෝටම අවබෝධ විය..... වෙනදා කට කමසෙයියාවක් නැතිව කියවමින් ගැලරියට ආතල් සැපයූ පාලගේ ස්වරූපය මෙදා සෑහෙන නිහඩතාවයක ගිලී ගියේ ටයිටැනික් නැව ගිලීගියාටත් වඩා ගුප්ත අයුරිනි....කෙසේ හෝ එක දිගටම සතියක් ගෙදර නොයා ගරාජයේ වැඩ කල පාල අයියා සෑම දිනකම සවස වැඩ අවසන් වූ පසුව කාලක් ගැසීම මගහැරියේ නැත.... කොහේ හෝ අයිනකට වී අරක්කු කාල අනුමත වීමෙන් පසුව කඩෙන් ගෙනා කෑම ස්වල්පයක් කෑඳැත්තා ගස්ලබු කන්නා සේ ගිල දමා පාලයියා ලෑලි ඇඳේ දපන්නේ සුසුම් හෙලමිනි..... පාලගේ මෙම වෙනස පිලිබඳ සොයා බැලිය යුතුයැයි මට සිතුනේ පාලහාමිනේ පිලිබද හෝඩුවාවක් වත් දැන ගැනීමට නොහැකිවූ බැවිනි.......
""මචං පාලඅයියා මොකද මචං අවුලෙන් වගේ...
""මොකවත් අවුලක් නෑ බන්....
""නැත්තෙ මොකද උඹ ඉන්නෙ ලොකු අවුලක... මොකක් හරි අවුලක් තියනවනං කියපිය ලොටන්නෙ නැතුව.... කරන්න පුලුවන් දෙයක් තියනවනම් කරල දෙන්නං.
"" පොඩි අවුලක්නම් තියෙනවා බන් හවසට කියන්නං....
"" දැන් කියපං බන්.... ආයෙ රෑවෙලා මගුලක් කරන්නද....
"" ඒක එහෙම කියන්න බෑ බන්... හවස හෙමීට කියන්නං
"" හැබැයි තෝ අනිවා කියන්න ඕනි ඈ.... නැත්තං දන්නවනෙ
කෙසේ හෝ මාගේ පෙරැත්තය නිසා කතාව දිග හැරීමට පාලයා එකඟ විය..... හවස් වරුවේ වැඩ අවසාන වූ පසු පාලයියා ගලබඩයාගේ ආටා එකේ දැල් කඩයට ගොස් අඩුම කුඩුම සියල්ල රැගෙන ආවේය.... හය හමාර වන විට උඩ තට්ටුවේ ලෑලි මේසය මත ගල්බාගයක් කඩල පැකැට්ටුවක් කැහිකූරු මිටියක් තබාගෙන පාලයියා සියලු දුක්ක දෝමනස්සයන් හෝදා හරින්නට විය..... හරියටම ගල් කාලක් අවසන් වීමෙන් පසුව පාලයියා සිය කතාව පටන් ගත්තේය.... පාලහාමිනේගේ අසනීපයේ සිට නිර්මලාගේ පලංචිය දක්වාත් වැඩේ ගැස්සී පාල හාම්නේගේ තරවටුව දක්වාත් කතාව පැවසූ පාල අයියා මා දිහා බලාගෙන හිටියේ මාගේ ප්‍රතිචාරය කුමක් වේදැයි සිතමින් විය හැකිය..... පාල කියූ කතාවෙන් මාගේ යකා ඉස්මොල්ලටම ආරූඪ විය.....
""යකෝ ගොන් හු*තෝ මොකක්ද යකෝ තෝ කරපු ඒ බලු වැඩේ....
""අච්චර හොඳ ගෑනියෙක් ඉන්න තෝ මොකටද බල්ලෝ අර ගෑනිගෙ බිබික්කම උලාකන්න ගියේ...
"" බලපිය උඹේ ගෑනි උඹේ ඔක්කොම වැඩ ටික කරල දෙනවා ජොකා පවා
හෝදන්නෙ ගෑනි නේද..... තොට ගහලා මදි හම ගහන්න ඕනි.... එක සතියක් තොට බිජ්ජ තලාගන්නෙ නැතුව ඉන්න බැරි උනාද.... දැන් බලපිය මොකද කරන්නෙ කියල.... ගෑනිට හොඳටම තද වෙලා ඇත්තෙ... පව් යකෝ ඒ ගෑනි...
හෝදන්නෙ ගෑනි නේද..... තොට ගහලා මදි හම ගහන්න ඕනි.... එක සතියක් තොට බිජ්ජ තලාගන්නෙ නැතුව ඉන්න බැරි උනාද.... දැන් බලපිය මොකද කරන්නෙ කියල.... ගෑනිට හොඳටම තද වෙලා ඇත්තෙ... පව් යකෝ ඒ ගෑනි...
කටට ආ නොසරුප් වදන් සියල්ලම එකතුකර පාලයාට බැන්නත් ඒවාට පිලිතුරක් නොදුන් පාලයා බිම බලාගෙනම සිටියේය..... මෙවරත් කලින් වතාවන් වලදී මෙන් මැදිහත් වීමට සිදුවන බව මට හැඟී ගියේය.... සිදුවූ සිදුවීම ගැන කල්පනා කරමින් ගල්බාගයේ ඉතුරු ටිකත් හිස් කල පාලයා තරමක වෙරියක් සහිතව නැගී සිටියේය...
"" ඒ පාර උඹ කොහෙද යන්න හදන්නෙ...
"" කන්ඩ මොනව හරි ගේන්ඩෝනැ බන්....
"" හිටපං මාත් එනවා....
"" අන්න හර්රි යම්මාං
පහලට බැස බයිසිමොටෝවට ගොඩවූ පාලයාත් මමත් හන්දියට ආවේ ඉබි ගමනෙනි.. බයිසිකලය රෑ කඩය අසල නවතා ඉඳි ආප්පත් මාලුහොදිත් තව අඩුම කුඩුම රැසකුත් මිලදීගත් පසු පාලයියාට තවත් ගල් කාලක අවශ්‍යතාව ඇතිවිය... පාලගේ පෙරැත්තය නිසාම නැවතත් දැල් කඩයෙන් ගල්කාලක් මිලදීගෙන ආපසු වැඩ පලට පැමිනි අප දෙදෙනා උඩට ගොඩවිය.... රාත්‍රී අට වන විට පාලයා අරක්කු තුන්කාලක් ගසා බලුපදම ඉක්මවා සිටි අතර ඉඳි ආප්ප හයහතක් කා දැමුවේ රැලෙන් රැලය....
කලබලකාරී දිනයක් ගෙවී ගොස් රාත්‍රිය උදාවිය... ඉඳහිට ගමන් කරනා වාහනයක ශබ්දය බලු රැලකගේ කෝලාහලය ඇරෙන්නට වෙන කිසිවන් නෑසෙන රාත්‍රිය විඩාබර ශරීරය නිවාලන්නට විය..... මා ඇඳට වැදී රෙද්ද පෙරවා නිදන්නට විය.... වසර ගනනාවක් ගරාජයේ ගතකල පාලායියා විවාහ වීමෙන් පසු බිරිඳගේ නිවසේ නතර වීම නිසා උඩ තට්ටුවේ තිබූ පාලගේ ඇඳ පට්ටලේ අයියා රැගෙන ගියේ පාලගේ පූර්න අවසරය මතය.... ඉඳහිට දවසක වැඩපලේ නතරවන පාල අයියා නිදාගත්තේ බිමට එලාගන්නා කොහු මෙට්ටයකය..... පුරුදු පරිදි පාලයියා එදත් මෙට්ටය බිම එලාගෙන නිදාගත්තේ ඇල්බට් අයින්ස්ටයින් පාසල් යන කාලයේදී සේදුවාට පසු නොසේදූ බුලංකේට්ටුවද ඇඟ දවටාගෙනය.... ස්වල්ප වේලාවකින් දහවල් කාලයේ හිරුගේ අඩම්තේට්ටම්වලින් බැට කෑ මිහිකත සනසාලමින් වැසි පොදයක් වැටෙන්නට විය...හෙට දින නිවාඩු දිනයක් වූ නිසාත් වැසිපොදයේ තිබෙන අමුතුම රසය නිසාත් මාහට නින්දට වඩා අඩ නින්ද සැපයක් විය.... ෆේස් බුක් , යූටියුබ් , ඉන්ස්ට්‍රග්‍රෑම් වැනි කාලතරන යන්ත්‍ර ඒ දිනවල එතරම් ප්‍රචලිතව තිබුනේ නැති බැවින් නින්ද මාගේ හොඳම මිතුරා විය... නින්දත් නොනින්දත් අතර පාවෙමින් සිටි මාහට නින්ද ලඟාවූයේ තරමක වේලාවක් කල්පනා සයුරේ නිමග්නව සිටීමෙන් පසුවය.....
""සුදූ මගෙ මැනික..... නින්දයන්නෙ නැද්ද.....ම්ම්ම්ම්ම්ම්ම්
""වස්තුව මෙහට එන්නකෝඕඕඕ....
""මගෙ මැනිකෙනෙ ඉතිං.... කෝ උම්ම දෙන්නෙ නැද්ද මට...
""හොර ගෙඩියා වගේ ඉන්නවා නේද සද්ද නැතුව....
""ආයෙ මම ඕවගේ වැඩ කරන්නෙ නෑ.... හොඳද ම්ම්ම්ම්ම්ම්....
කොතරම් වේලාවක් නිදා සිටියාද මතක නැති මාව උඩ විසිවී ඇහැරුනේ කාගෙදෝ ප්‍රේම ජවනිකාවක කෙඳිරිල්ලක් ඇසීමෙන්ය....
""චන්දිමා( මනඃකල්පිත නමකි.) තාමත් තරහද.... දැන් ඔය ඇති තරහ වෙලා හිටියා... දැන් එන්නකෝ වස්තුවේ..... මං කොච්චර වෙලා බලන් හිටියද....
හම්මට සිරිවෙලාය.... පාලයා හීනෙන් කියවනවාය..... නිකන්ම නොව පාලහාමිනේද ඉන්නා ස්වප්නයක්ය..... ගුවන් විදුලියේ විකාශය වන නාට්‍යක් මෙන් මා එයට සවන් දුන්නේ කෑලි කැපිය හැකි කට්ට කරුවලේ ඇඳ මත වාඩිවීය.. වැස්ස නිසා කොහේ හෝ ගසක් කඩා වැටීමෙන් නිසා හෝ වෙනත් කිසියම් ආපදාවක් නිසා විදුලිය විසන්ධි වී තිබූ නිසා කිසිවක් දර්ශනය වූයේ නැත....
නැවතත් පාලයාගේ ප්‍රේම කෙඳිරිල්ල පටන්ගත්තේය.....
"" ලඟට ආවේ නැත්නම් ඇදලා ගන්නවා ඔන්න.....
මෙට්ටය මත කවුරුන් හෝ දඟලන ශබ්දයක් ඇසෙන්නට විය..... හඳුනාගත නොහැකි , අකුරෙන් ලිවිය නොහැකි හඬකින් කවුරුන් හෝ කෙඳිරිගානවාද ඇසෙන්නට විය....
"" කෝ මෙතෙන්ට එන්නකෝ....සුදු නෝනනේ මගේ...
නැවතත් හඳුනාගත නොහැකි කෙඳිරිලි හඬය...
""කම්මුල විකනවා ඔන්න හොඳේ......
නැවතත් කෙඳිරිලි හඬය....
යකෝ කවුද යකෝ මේ කෙඳිරිගාන්නෙ..... මෙට්ටෙ උඩ දඟලන සද්දෙකුත් ඇහෙනවනෙ... මේ යකා කාත් එක්කද මේ කියවන්නෙ.... යකෝ කවුරුහරි ගෑනියෙක්වත් මූ එක්කගෙන ආවාද..... ලයිට් නැති හින්දා පේන්නෙත් නෑ... පාල හාමිනේ නම් කීයටවත් මේ වෙලාවෙ එන්න විදිහක් නෑනෙ.... පොඩ්ඩක් කිට්ටුවෙලා බලන්න ඕනි..... දහසකුත් එකක් සිතුවිලි සමග හඬ නොනැගෙනසේ ඇඳෙන් බැසගත් මා පාලායියගේ මෙට්ටය අසලට කිට්ටු කරන්නට විය... මෙට්ටය අසලට යනවිටම මහා කුනුගඳක් දැනෙන්නට විය..... මන්නාරම් වැල්ලේ රැයක් ගතකරන්නා සේ හැගීමක් මාගේ සිතට දැනෙන්නට විය... නැවතත් කෙඳිරිලි හඬ ඇසෙන්නට විය....
""ඔයාට මම කොච්චර ආදරේද.... ඔයා තමයි මගෙ පන....ඔයාගෙ ඇඟට උඩින් කකුලක් දාගන්නද මැනිකෙ.....
නැවතත් කෙඳිරිලි හඬ ඇසෙන්නට විය...... උහුලාගත නොහැකි බොම්බිලි කරවල ගඳ නැවතත් උත්සන්නවිය..... ඇස් කලුවරට යාන්තම් හුරුවූ පසු කොට්ටය මත ඔලුගෙඩි දෙකක් තිබෙනවා පෙනෙන්නට විය.... අඳුනාගත හැකි පාලගේ හිසට පහලින් තවත් කුඩා හිස් ගෙඩියක් පෙනෙන්නට විය.... කවුරුන් හෝ පාල සමග නිදාගෙන ඉන්නා බවනම් සක්සුදක් සේ පැහැදිලිවිය..... ඉන්නා එකා මොකෙක් උවත් මෙය නම් තව දුරටත් බලාසිටිය යුතු දෙයක් නොවේය... ගෑනුන්ගේ නමක් ඈඳී චරිතයට කෙලවා ගැනීම මට නම් අවශ්‍ය නැත.... පාලයාට නම් කොහොමත් එකය... කරුමෙට හෝ ලොක්කා මේවා ගැන දැනගතහොත් උදාවන්නේ මහත් වූ කනගාටු දායක කාලයක්ය..... යකා ආරූඪ වී මෙතන කෑකොස්සන් ගැසීමද කල නොහැක... පාලයාගේ හොම්බට දෙකක් ඇනීමද සිත් පහල විය..... කලබල වුවහොත් කොරොස් කටේවත් අත දමාගැනීමට නොහැකිය.. කරන්ට් එකද නැත..... කලුවරේ එහෙමෙහෙ දුවගොස් බෙල්ල කඩාගැනීමටද බැරිය....
දහසකුත් එකක් සිතිවිලි සමග නැවතත් ඇඳ මත වාඩි වූ මා ජංගම දුරකතනය අතට ගන්නවාත් සමග මෙතෙක් වේලා විසන්ධි වී තිබූ විදුලිය නැවත පැමිනියේය... පාරේ තිබූ ලයිට් කනුවේ ආලෝකය නිසා කාමරය මද වශයෙන් ආලෝකමත් විය.... වහා නැගිට කාමරයේ අනිත් පසට ගිය මා කාමරයේ විදුලි පහන දැල්වූයේ පාලයාගේ හොරගෑනි කවුදැයි බලා ගැනීමටය.... සියල්ල හෙලිවූයේ එතැන් සිටය... බිම එලා තිබූ මෙට්ටය දෙසට නෙත් යොමු වූයේ විදුලි වේගයෙනි......මෙතෙක් වේලා පාලගේ උනුසුමට තුරුලු වී සිටි ඒ අංගනාව දැකීමෙන් මට ඇතිවූයේ කුමන හැඟීමක්දැයි මට තවමත් සිතාගත නොහැක.. ඇය පාලගේ උනුසුමේ නිදාසිටියේ සෑහෙන පල පුරුදු කාරියක ලෙසය.... පාලද උතුරාගිය සෙනෙහසත් අධික වෙරි මතත් නිසා ඇයගේ ශරීරයට උඩින් කකුලක් දමාගෙන සිටියේය...තවමත් නිම නොවූ චුරු චුරු වැස්ස නිසා ඇති සීතල ගතිය ප්‍රේමයේ උනුසුමෙන් පලවාහරිමින් පාල ගොරවමින් නිදන්නට විය..... අසම්මත ප්‍රේමයක පැටලුනු පාලගේ හොර අඹුවටත් පාලයාටත් යස පාඩමක් ඉගැන්විය යුතුයැයි සිතූ මම මෙතෙක් වේලා අඩවල් වී තිබූ දොර සම්පූර්නයෙන්ම වසා දැමුවේය..... ප්‍රහාරය සඳහා ගැලපෙන ආයුධයක් සෙවූ මට හමු වූයේ අමිල වස්තුවකි..... එනම් වහලයේ තිබෙන සිදුරකින් බේරෙන වැසි වතුර එක් රැස් වීමට තබා ඇති පනිට්ටුවය..... ශබ්ද නොනැගෙන සේ පනිට්ටුව අතට ගත් මා කෙලින්ම ගියේ පාලයා සහ සොර අඹුව නිදාසිටි තැනටය..... කල්යල් බලා අදාල ස්ථානයට එල්ල කල වතුර බාල්දි පහරින් උන් හිටි තැන් අහිමි වී මෙතෙක්වේලා පාලඅයියාත් සමග නිදාසිටි අසල නිවසක සුරතලයට ඇතිකල තරබාරු සිරුරක් හිමි බැල්ලිය යා යුතු දිසාවක් සොයාගත නොහැකි වී මරලතෝනි දෙන්නට විය..... වෙරිමත නිසාත් එකවරම වැදුනු වතුර පාරත් නිසා කිසිවක් සිතාගැනීමට නොහැකි වූ පාලයියා මෙට්ටය මත වාඩිවී වටපිට බලන්න විය....
""මොකද උනේ බන්..... මේ බැල්ලි මොකද කාමරේ..... මොකද උඹ මූට වතුර ගැහුවේ....
ඒ පාලායියාගේ හඬය.....
""බැල්ලි මොකද කාමරේ.... හුහ්....... ඈ බොල ගස් බල්ලෝ තෝ මෙච්චර වෙලා බදාගෙන ලව් කරේ ඔය බැල්ලිට.....
""උහුලන්න බැරි ගඳයි , තොගේ දෙඩවිල්ලයි හින්දා ඇහැරිලා බලනකොට තමයි දැක්කේ තෝ බැල්ලි බදාගෙන නිදාගෙන ඉන්නවා... තුක් නොදකින් නහයක් නැද්ද ඌරෝ තොට...... යකෝ පොල් බූරුවෝ මම උඹට කියල තියෙනවා නේද නිදා ගන්නකොට කාමරේ දොර හරියට වහපං කියල.... හොඳ වෙලාවට මට ඇහැරුනේ. නැත්තං තෝ ඔය බැල්ලිට අහවල් වැඩෙත් කරනවා....
යකා නැග සිටි මාගේ වාග් ප්‍රහාරයෙන් තුශ්නීම්බූත වූ පාල අයියා වහා නැගී සිටියද නැවතත් මෙට්ටය මත ඉන්දවූයේ වෙරි වැඩි කමටමය.... දනිපනිගා නැගිට ගත් පාලයියා බැල්ලිය කාමරයෙන් එලියට පැන්නුවේය.... යාන්තමට දොර ඇරුන විගසම පඩිපෙල අඩියට දෙකට පැනගත් බැල්ලිය විදුලිවේගයෙන් අතුරුදහන් විය..... දොර වසා අගුල දැමූ පාලයියා නැවතත් මා අසලට පැමිනියේ සිදුවූ දෙය පිලබඳ විමසීමටය..... තිත්ත කුනුහරුප වැලක් සමග පාලයාගේ ප්‍රේම ජවනිකාව පැහැදිලි කිරීමෙන් පසුව පාලයාගේ එකම ඉල්ලීම
""අනේ බන් මේක කාටවත් කියන්න එපා බන් ඈ.....
"" රෙද්දක් ඇඳගෙන කාටවත් කියන්න පුලුවන් එකක්ද යකෝ මේක....
"" අනේ කාටවත් කියන්න එපා බන්.... මම උඹට ඕන උදව්වක් කරන්නම්..
"" හරි හරි බය නැතුව හිටපං මම කාටවත් කියන්නෙ නෑ ඕව... හැබැයි උඹ දවල්ට වැඩ කරන වෙලාවට මට ලොකු එකනම් දෙන්න එපා ඈ.... දන්නවනෙ මොකදවෙන්නෙ කියලා....
එතනින් කතාව නිම විය.... තෙමී තිබූ මෙට්ටය අනික් පැත්ත හරවා සරම තුලට ගුලි වූ පාල අයියා කිසිවක් සිදුනොවූ ලෙසින් නිදන්නට විය.....
පසු දින පාලයාගෙන් පාල හාමිනේගේ ජංගමයේ අංකය ඉල්ලාගෙන පාල හාමිනේට මා හමුවන ලෙස දැනුම් දුන්නේ යම් කිසි සැලසුමක් ඇතිවය.... මාගේ වචනය ඉවත දැමීමට නොහැකි වූ පාල හාම්නේ පසුදා දහවල් වනවිට ගරාජය අසලට ආවාය..... මිනිසුන්ට සිදුවන අත් වැරදීම් පිලිබදවත් , පවුල් ජීවිතය යනු මහා වටිනා දෙයක් බවත් , පාල අයියාගේ වැරැද්දක් නැතිබවත් , නිර්මලා මහා මායම්කාරියක් බවත් පුන පුනා පැවසීමෙන් අනතුරුව පාල හාමිනේ පාලයියා සමග නැවත ගෙදර යන බවට එකඟ විය... මෙතෙක් වේලා උඩ තට්ටුවේ සිටි පාල අයියා පහලට කැඳවා පාල හාමිනේට බාරදුන් අතර පාල අයියා දුටු පාල හාමිනේද සැනසුම් සුසුමක් හෙලනු දැකීම මාහට මහත් සතුටක් විය.....
""අපි යන්නං අයියෙ ගෙදරත් කවුරුවත් නෑනෙ.... අම්මයි තාත්තයි ඊයෙ හවස හෝමගම ගියා... බන ගෙදරක.....
"" ආ ගෙදර කවුරුවත් නැද්ද..... හම්මට සිරි අද එහෙනම් මරුවට තියෙයි නේද.... කාලෙකින්නේ..... හැබැයි උඹල තියන විසේට පුටු කඩන්න එහෙම එපා ඈ...
එක් අතකින් කට වසාගෙන අනිත් අතින් පාලගේ අතේ එල්ලුනු පාල හාමිනේ පාරට ගොස් ගල බඩයාගේ ආටා එකට ගොඩවිය..... මාහට තිබූ එකම බය ගෙදර කවුරුත් නොමැති වේලාවක පාලත් හාමිනේත් නිවසේ තනිවීමය.. අලි කුලප්පුව සෑදී තිබූ පාලගේ විදුලිපන්දම නිසා පාලහාමිනේට කරදරයක් නොවුනු බව පසුදින රාජකාරියට වාර්ථා කල පාලයියා පැවසුවේ තේ පානයට කඩේ යන අතරදීය.....
