Tuesday, November 6, 2018

පාලගේ අලුත් ගැජට්ටුව 2කොටස...


ගැහැනුන් මෝඩ බව ඔප්පු කරමින් ,පාලයියා සැඟවීමට උත්සාහ කල සියල්ල පාල හාමිනේ ගිරවෙකු මෙන් කියවාගෙන ගියේය...ටවුම මැද හක්ක පනින තරමට ගිය හිනාව තද කරගත් මා ෆුල්ෆේස් හෙල්මට්ටුව දමාගෙන ආපසු වැඩ පලට ආවේය.... කිසිවෙකු නොසිතූ දෙයක් සිදුවී ඇත.....පාලට නැවතත් කොතනක හෝ වැරදී ඇත...උප්පත්තියේ සිට ගෙන ආ කර්ම ශක්තිය නිසා පාලට උරුම වූයේ අකරතැබ්බමය..... අතීතයේ කල කී දෑ වල ශේශවූ කොටස් ඉඳහිට මතුවීමෙන් පාලට සිදුවූයෙ එසේ මෙසේ පාඩුවක් නම් නොවේය....
වෙනදා මෙන් එදිනත් සුපුරුදු පරිදි ගෙදර ගිය පාලඅයියා අලුතෙන් ගෙනා රෙකෝඩර් යන්ත්‍රය ක්‍රියාත්මක කර පාල හාමිනේ අතට දුන්නාය.... පොඩි එකෙකුට සීනි බෝල පැකට්ටුවක් ලැබුනාසේ මහත් බක්තියෙන් රෙකෝඩරය අතට ගත් පාල හාමිනේ එය කුස්සියේ මේසය මත තබා තේ සෑදුවාය....
""විල්ලුද පුංචි දෙපා........
""කලු කර ගන්න එපා........ 
""අව්වට යන්න එපා දහවලේ....
"" අවලස්සන වේවී සිරියාවී......
ගීතයේ තාලයට පොඩි දගර නැටුමක් දමා පාල අයියා හාමිනේ සාදාදුන් තේ කෝප්පයද පානය කර ඇඟ සෝදාගැනීමට ගියේ ගෙය පිටුපස කරාමයටය...
වතුර පනිට්ටු දෙක තුනක් ඇගේ හලාගෙන රානි සබන් කැල්ල ගෙන ඇඟ පුරා ගාගත්තේ පාල හාමිනේ කැමතිම සුවඳ එය බැවිනි.... පොල් මුඩ්ඩ ගෙන කරාස් බරාස් යන ශබ්දයෙන් ඇඟ අතුල්ලා නාගත් පාල අයියා පිටුපස වැලේ වනා තිබූ කමිසය සහ කලිසම ඇඳ ගත්තේ සුන්දර රාත්‍රියක රසය විඳීම සදහාවිය හැකිය...
ඇඳසිටි මජං ඇදුමද සෝදා වැලේ වනා පාල අයියා ගෙට ගොඩ වනවිට මහා අනතුරක සේයාවක් කුස්සිය දෙසින් ආරම්භ වීමට පටන් ගත්තේය... ස්වල්ප වේලාවකට පෙර ගීත අසමින් සොඳුරු සැඳෑවක මිහිර විඳිමින් සිටි පාල හාමිනේ මේ වනවිට දුම්මල වරම අතට ගෙන පුපුරමින් සිටියාය...
පාලගේ ප්ලේයරයේ ගීත අවසන් විය.... ස්වල්ප වේලාවකින් එහි අපූරු යමක් වාදනය වන්නට පටන් ගත්තේය.....
""හරී ඔයා දැන් කවද්ද මාව බලන්න එන්නෙ.....
""ඔයාම කියන්නකො හොඳ වෙලාවක්..
"" එහෙනම් ලබන සතියෙ සඳුදා දාගමු...
"" කොහේදිද අපිදෙන්නා හම්බ වෙන්නෙ.....
"" මම දන්න තැනක් තියනවා එතන නියමයි.... කවුරුත් එන්නෙත් නෑ.
""අවුලක් වෙයිද අයියා...
"" නෑ නෑ පිස්සුද එතන මගෙ යාලුවෙක්ගෙ පොට් එකක්....
"" අඳුරන අය එනවද එතනට....
""නෑ නෑ කවුරුවත් එන්නෙ නෑ... ඔයා බය වෙන්න එපා... හොඳ ආතල් එකක්
පුලුවනි.......
"" හම්බෝ අයියා කියන ඒවා... මට නම් බයෙත් බෑ....
""බය වෙන්න එපා සුදූ මම එදාට ඔයාට දෙනවා සැපක් ආයෙ ඇති වෙනකං..
"" හා හා ඉතිං ඒක එදාට බලමුකෝ...
""ආයෙ බලන්න දෙයක් නෑ සැප තමයි මේ පාලට අහු උනා කියන්නෙ...
""හරි දැන් එදාට ඔයා මට මොනවද කරන්නෙ....
"" මම එදාට ඔයාගෙ %*%$*# දි$ දාලා %&ටේ %&$*# කචල් කරලා දෙනවා පට්ට
සැපක්... ආයෙ මදි නොකියන්න...
""තව තව මොනාද කරන්නෙ කියන්නකො.....
එම දෙබස හොඳටෝම ඇතිය... එතනින් එහාට ලිවීමෙන් සම්පූර්නයෙන්ම වැලකී සිටින්නෙමි.... විනාඩි ගනනක් වාදනය වූ මෙම දෙබස ඇසූ පාල හාමිනේගේ තත්වය අමුතුවෙන් කිවයුතු නැත.... දෙබස අවසන් වන විටම පාල අයියාද කුස්සියේ දොරෙන් මතුවිය.... නැවත වාරයක් එම දෙබස පාලට ඇසෙන සේ වාදනය කල පාල හාම්නේ දුටු පාලට හීන් දාඩියත් මහ දාඩියත් කලවමේ පිට විය.... වැඩේ වැරදුනු බව දැනගත් පාල අයියා ප්ලේයරය උදුරා ගැනීමට තැත් කලත් හාමිනේ ඉස්සර විය.... සියලු වෙර දමා ප්ලේයරය පාලගේ මුහුන ඉලක්ක කර පිටත් කර යැවූ අතර එය පාලගේ නලලේ වැඩී කුඩුපට්ටං විය... පාලහාමිනේ එයින් සෑහීමකට පත් වූයේ නැත..... වටපිට බැලූ පාල හාමිනේගේ අතට හසුවූයේ දහවල් උයා තිබූ හාල්මැස්සන් හොද්දය.... පාල හාමිනේගේ දෑතින් ලද බලය නිසා ගුවන් ගත වූ හොඳි ඇතිලිය පාලගේ ඉලමැරැන්දේ වැදී කුඩු වී ගියේය... එයින්ද සෑහීමකට පත් නොවූ පාල හාමිනේගේ අතට හසුවූයේ දොරපොල්ලය.... සිද්ද වෙන්නට යන විනාසය ඉවෙන් මෙන් දැනගත් පාල අයියා වහා එලියට පැනගත්තේය.... අතට අසුවූ එකම වස්තුව වූ ප්ලෙයරයද රැගෙන පාලඅයියා ගරාජය වෙත ආවේ දැලි ඉඳුල් වැකුනු කමිසයද ඇදගෙනය.... දින කීපයකට පසුව පාල හාමිනේ ගරාජය වෙත පැමින පාල අයියා හමුවිය.... අතරින් පතර මාද පොහොර පොඩ්ඩක් දමා ඔවුන්ගේ ප්‍රේම ගස වැඩීම උදව් කලේ වෙනදා මෙන්ය...
හවස් වරුවේ වැඩ අවසන් වී පාල අයියා ගෙදර ගියේය. ඉන් පසු පාල අයියා කිසි දිනෙක පවුල් ප්‍රශ්න ඇති කර ගත්තේ නැත.....

Monday, November 5, 2018

පාලගේ අලුත්ම ගැජට් එක.....


කාලයත් සමග ලෝකයේ දියුනුව ඉතාම සීඝ්රයෙන් ඉහල ගියේ මිනිසුන්ගේ එදිනෙදා වැඩකටයුතු පහසු කරන විවිධාකාරයේ උපකරන නිර්මානය කිරීමට මිනිසුන් දැක්වූ තරඟකාරීත්වයේ වේගයට සමානවය..... ලිඳෙන් වතුර ඇදීමට භාවිතාකල බොලොක්කය පැන්ශන් යවා කරලියට ආවේ වතුර මෝටරයය... ගලේ අපුල්ලා සේදූ රෙදි වොශින් මැශිමකට දමා බොත්තමක් තද කිරීමෙන් හේනෙ මාමලාත් රෙදි නැන්දලාත් හන්ටර් වී ගියේය.... මහා කලුගල් පාං පිටි තරමට කුඩු කල හැකි මැශිම ගල් වලේ සවි කිරීම නිසා සිමියොන් මාමා කුලුගෙඩියට සමුදී බක්කරේ පිටි අනන්නට ගියමුත් එතනට ආ ගෑස් පෝරනුව නිසා පාර අයිනේ කඩල කඩයක් දමාගත්තේය.. මල්පැන් පොදක් තොල ගා බන්ඩි කියතෙන් පලංචියේ ලී ඉරූ දෙමස්සිනෝ චේන් සෝ එකකින් බඩ වියත රැකගත්තේ පලංචියක් නොමැතිවය... හය හතර තේරෙන සමයේ සිට උදලු තලෙන්, දැල් කූඩෙන් , පතල් වලවල් සමග ඔට්ටු වූ පොඩිසිඥ්ඥෝ අයියා රත්නේ මුදලාලිගේ ගරන මැශින් එකේ ඔපරේටර් විය... දවසේ පඩියට සෙනග එක්කාසු කරගෙන කොන්ත්රාත් ක්රමයට ගොයම් කප්පවා බඩ වියත සරිකරගත් කලුමහත්තයා සුනාමි මැශිමක් මිලදීගෙන පිරිස විසුරුවා හැරියේ දෙබරෙට ගල්ගැසුවාක් මෙන්ය.... බත් මුට්ටිය ලිපේ තබා බත් වතුර පෙරා පොඩි එකාට පෙවූ ගුනවතී අක්කා රයිස් කුකර් එකේ හාල් දැමීම නිසා පොඩි එකා ටොනික් බීම වලට ඇබ්බැහි විය.... එක් පසෙකින් ලෝකයේ දියුනුව මිනිසුන්ට යහපතක් කිරීමට සමත් වූ අතර තවත් විදිහකින් මිනිසුන්ගේ කල්පනා ශක්තිය සහ දෑතේ ශක්තියට මරු පහරක් එල්ල කරන්නට සමත් විය....
හන්දියක් , හන්දියක් , පාරක් , පාරක් ගානේ හැට කැරෑලියක් වයර් ඇද මේසයක් මත විරාජමානව වැඩහුන් ටැලිපෝනයද , බයිබලය මෙන් විසාල දුරකතන නාමාවලියද බල්ලා මාක් එකට වැටුනේ කොල්ලා මෙන්ම බල්ලා අතද ජංගම දුරකතනය ගැවසෙන්නට වූ පසුවය.... මුල් කාලයේ නම් ගඩොල් කැටයක් සයිස් වූ ජංගමයෙන් කල හැකි වූයේ ඇමතුමක් ලබා ගැනීම සහ කෙටිපනිවුඩයක් යැවීම පමනි... පසුකාලීනව විස්ම කර්ම පුත්තරයා විසින් කැමරා , රේඩියෝ , ටැලි විසොන් පහසුකම , එකී නොකී සියල්ලම ඇතුලත් කර නිපදවූ ඉස්මාට් ජංගමය නිසා සමහරු හොම්බෙන් ගිය අතර සමහරු ලොම්බෙන්ද ගිය බව මා දැක ඇත්තේද ඔය කියන ඉස්මාට් පෝන් එකෙන්මය... අන්තර්ජාලය සමග සම්බන්ද වී ලෝකයම අතැඹුලක් සේ දකින්නට හැකි වූ අතර සමහරු ඉන් පල පොරෝජං ලබා ගත්තද වදුරු කුලයේ ගති පැවතුම් ඇති අය නම් එයින් උදා කරගත්තේ අබාග්ගය සම්පන්න කාලයක්ය...
කාලයක් ඩබල් වන් ඩබල් සීරෝ ජංගමයක් පාවිච්චි කල පාල අයියාටද ඉස්මාට් පෝනයක අවැසිතාව තදින්ම දැනෙන්නට විය.... දින කිහිපයක් තිස්සේ මුදල් එකතු කොට සුන්දර සැදෑ යාමයක ටවුමට ගොස් ස්පීකර් හැත්තෑවක් විතර සවිකර ඇති චයිනීස් ජංගමයක් මිලදී ගත් පාල අයියා ගරාජයට ආවේ රටක් රාජ්ජයක් හිමි වූවෙකු සේය.... මෙමරි චිප් එකක් හෙවත් මතක ගබඩාවක් ඇතුලත් කර සින්දු කිහිපයකුත් දමාගත් පාල අයියා දවසේ වැඩි හරියක් ජංගමය සමග පවුල් කන්නට විය.... පාලගේ ජංගම පවුල් කෑම කෙතරම් උස්මුරුත්තා වූවාද කිවහොත් පාල වැසිකිලියට ගියේද සිංදුවක් අසමින්ය.... කුමක් හෝ අනවශ්ය මගුලක් ඔබා සෙටින්ග්ස් අවුල් වී පිස්සු කෙලින්නට වූ ජංගමය රැගෙන එන පාලයියා එය නැවත සකසා ගන්නේ මාගේ උදව්වෙනි.... මේවන විට විවාහ වී සිටි පාල අයියා තම බිරිදට වඩා ජංගමයට පෙම් බැන්දේ ඇයි දැයි මටනම් නොවැටහුනේය...

භ්රමන පරිභ්රමන මූල ධර්මයට අවනතවී පෘතුවිය කැරකී කාලය ගෙවී යන්නට විය... කාලයක් තිස්සේ අතුරුදහන් වී සිට නැවතත් එක්වරම කරලියට පැමිනි චරිතයක් වූ ගැජට් මාමා දිනක් ගරාජයටද ගොඩ වූයේ වැඩ රාජ කාරී ඉතාම අඩු දවසකය... ගැජට් මාමා යනු නිතර නිතර පිටකොටුව පැත්තේ හක්කලං කල මැදි වයසේ අහිංසක මිනිසෙක්ය.... ඔහුගේ රැකියාව වූයේ පිටකොටුවේ තිබෙන්නාවූ විවිධාකාරයේ උපකරන අඩු මිලට මිලදීගෙන ඒවා අප ප්රදේශයේ ගෙයින් ගෙට ගොස් විකිනීමය.... දුරබලන කන්නාඩි , චාර්ජ් කල හැකි විදුලිපන්දම් , පොකට් රේඩියෝ , ගෑස් පිරවිය හැකි ලයිටර් , රිමෝට් කාර් , සාක්කුවේ දමාගෙන යා හැකි බහුකාර්ය උපකරන, පිරුනු මල්ලක් රැගෙන ආ මාමාට සෑම තැනකින්ම ලැබුනේ ඉහල පිලිගැනීමකි... උදෑසනම මල්ලත් අරන් එලියට යන මාමා දහවල් වන්නට පෙර මල්ල හිස්කර ගන්නා අතර සමහරුන්ගේ ඕඩර්ද බාර ගන්නේ දිනක් දෙකක් ඇතුලත ඒවා ගෙනවිත් දෙන බවටද පොරොන්දුවක් සමගින්ය.... කෙසේ හෝ එදා ගැජට් මාමා රැගෙන විත් තිබුනේ සිත් ඇදගන්නා සුලු අපූරු වස්තුවක්ද සමගිනි.... එනම් කොකාකෝලා ටින් එකක පෙනුම ඇති කුඩා ප්රමානයේ රේඩියෝවකි.... විදුලියට සම්බන්ද කර චාර්ජ් කිරීමෙන් පසු මෙමරි කාඩ් පතක් දමා ගීත ඇසිය හැකි මෙම අපූරු ගැජට්ටුවේ මිල රුපියල් දාහක් පමන උවද සියල්ලෝම එක බැගින් මිලදී ගත්තේ එහි තිබූ හුරුබුහුටි කම නිසාමය.....පාල අයියාටද හිටිගමන් ඇතිවන්නේ අරුම පුදුම ආශාවන්ය.... දෙතුන් දෙනෙකු එය මිලදීගන්නා අයුරු දැකීම නිසා පාලායියාටද රේඩියෝවක් මිලදී ගැනීමට සිත්විය... සාක්කුවට අතදමා සල්ලි කොල කිහිපයක් ගෙන මාමා අතට පත්කල පාලයියාද හුරුබුහුටි රේඩියෝවේ හිමිකාරයෙක් ව්ය... ශොපින් උරයක දමා රේඩියෝව බිත්තියේ ඇනයේ එල්ලා තබා වැඩෙහි යෙදුනු පාල අයියා හවස් වරුවේ නාගැනීමෙන් පසුව එය අතට ගත්තේය.... කඩයට ගොස් ආපසු එමින් සිටි මාදුටු පාල අයියා රේඩියෝවද රැගෙන මා අසලට පැමිනියේ එය ක්රියා කරවන ආකාරය දැන ගැනීමටය.... පාලගේ ජංගමයේ තිබූ මෙමරි කාඩ් පත ගලවා ප්ලේයරයට ඇතුලත් කර දෙතුන් වරක් ක්රියාකරවීමෙන් පසු පාලට එය වටහා ගත හැකිවිය.... රටක් රාජ්ජයක් ලැබූවෙකු ලෙස මහත් ආඩම්බරයෙන් රේඩියෝවද මල්ලක දමාගෙන පාලයියා ගෙදර බලා පිටත්ව ගියේය..... මාද නාගැනීමෙන් අනතුරුව කෑම ගෙනවිත් පට්ටලයා සමග කදයක් දමාගෙන සිටියේ රාත්රී කාලය එලඹෙන තෙක්ය.... රාත්රී අට හමාර නවය වන විට අහාර ගෙන අවසන් වූ පට්ටලයාත් මමත් විසිරී ගියේ හෙට දින කිරීමට ඇති රාජකාරී පිලිබඳ සමාලෝචනයක යෙදීමෙන් අනතුරුවය..... ඇඳට ගොස් ඇලවී පැය කාලක් හෝ විනාඩි විස්සක කාලයක් නින්දත් නොනින්දත් අතර සිටි මාහට කවුරුන් හෝ පඩි පෙල දිගේ උඩට ගොඩ වන ශබ්දය ඇසෙන්නට විය.....
තත්පර ගනනකින් කුඩා මල්ලකුත් රැගෙන පාලයා මා ඉදිරියේ පෙනී සිටියේ ශෝකාකූල වූ මුහුන බිමට එල්ලාගෙනය.... පුක් මූන දමාගෙන සිටි පාලයාගේ කහපැහැති කමිසයේ තිබූ වලං දැලි පහරත් , ඉඳුල් ගඳත් , වම් ඇසට උඩින් නලලේ තිබූ ඉදිමුම් පාරත් මාගේ සිත කලඹවා හැරියේය.... දැවන්ත ප්රහාරයකට ලක්වූ සේයාවක් පාලගේ දෙස බැලීමෙන් මට අවබෝධවිය.... සිදුවූ දෙය වටහා ගැනීමේ ශක්තියක් මා සතුව නොතිබින... මා දෙස තත්පර කීපයක් බලා සිටි පාල අයියා ඇඳ මතින් වාඩිවිය.... බෑග් මල්ලේ තිබූ කැඬී බිඳී ගිය අලුත්ම රේඩියෝව මේසය මතින් තැබූ පාල අයියා දිග සුසුමක් හෙලීය.... පාල අයියා දුටු මාහට අවබෝධ වූ එකම දෙය නම් නැවත වතාවක් විශාල සී අයි ඩී ගේමක් සැලසුම් කල යුතු බවය.... සෙනිකව මවාගත් චිත්ත රූපයක් මගින් පාලයාගේ මනස කලම්බවා නැගූ ප්රශ්න වලට ලැබුනු උත්තරයෙන් මාහට සෑහීමට සිදුවිය..
""තෙමිච්ච සෙරෙප්පු දෙකත් දාගෙන මම කුස්සියට ආවා බන්.... පාපිස්සෙ කකුල පැටලිලා මාව ලිස්සපු පාර වැටුනෙ බිම තිබිච්ච හොදි ඇතිලිය උඩට.... අතේ තිබිච්ච රේඩියෝ එක බිමට හිටියා ඒක උඩට මූන හිටියා ඔක්කොම කුඩු උනා බන් ""යනුවෙන් පැවසූ පාල අයියා ලෑලි ඇඳේ හාන්සි විය...
"" හරි ඉතිං උඹ දැන් කඩාගෙන බිඳගෙන මෙහෙ ආවෙ ඇයි.... ඕක පොඩි සීන් එකක් එකක්නෙ බන්....""
පාලයා නිහඬය... එකම ප්රශ්නය දෙතුන් වතාවක් ඇසුවද එය කනකට නොගත් පාල අය්යා ඇදුම් උනා සරමක් ඇඳගත්තාය.... බෙඩ් ශීට් එක ගෙන ඇඳ ගසා දමා පාල අයියා නිදාගන්නට විය... සිදුවූ දෙය පිලිබද කිසිවක් සිතා ගත නොහැකි වූ මාද මඳ වේලාවක් කල්පනා කරමින් සිට නිදාගත්තේ හෙට දින මේ ගැන සොයා බැලීමේ අරමුන සිතේ තබාගෙනය.... පසුදිනට පහන් වී දෛනික වැඩ සටහනට වැඩ පටන් ගත්තද පාලයාගේ කටින් යමක් දැනගැනීමට ක්රමයක් සොයාගත නොහැකි විය... සුපුරුදු පරිදි වැඩ අධික දිනයන් දෙකක් ගෙවී ගියේ පාල අයියාටත් මටත් පට්ටලයාටත්, අනෙකුත් දෙදෙනාටත් හුස්ම ගැනීමටවත් ඉඩහසරක් නොමැතිවය.... එම දින දෙකේම පාලයා ගෙදර නොගිය අතර ලැලි ඇඳේ සුවය විඳිමින් නිදා ගත්තේ ගෙයක් දොරක් නොමැති එකෙකු සේය....
කෙසේ හෝ තුන්වන දිනයේ හවස් වරුවේ ටවුමට ගිය මා දුටුවේ පාල හාමිනේ සිය යෙහෙලියකුත් සමග නගරයේ කඩයකින් එලියට එන අයුරුය.... පාල හාමිනේ දුටු සැනින් පාලට සිදුවී ඇති හදිය සොයා ගැනීමට අදහස් කල මා පාල හාමිනේට අතින් සන් කලේ පාරෙන් මෙහා පැත්තට එන ලෙසය... යෙහෙලියත් සමග පාර මාරුවී පැමිනි පාල හාමිනේ ලොතරැයි කූඩුව පිටුපසට ගොස් නතර විය.... සැනෙකින් ගන දෙවි නුවන පහල වූ අතර සිද්දිය කටින්ම අල්ල ගත හැකි ක්රමයක් කල්පනා වූයේය... බයිසිකලයෙන් නොබැසම පාල හාමිනේ අසලට ලං වූ මා...
මම -: "" මොකද අර මනුස්සයට ගහල පැන්නුවෙ.... අන්න අරෙහෙ කන්නෙත්
නැතුව කල්පනා කර කර ඉන්නවා...
පාල හාමිනේ ගැටයට අසුවූයේය....
පාල හාමිනේ -: ""ගහල පන්නන්න... ගහල පන්නන්න නෙවෙයි තියෙන්නෙ කරන වැඩ වලට...
මම -: ""හා හා මේ මට ලොකු ලයින් දෙන්න එපා.... ඒවා පාලත් එක්ක තියාගන්ඩ...
හරි ඔක්කොම හරි කියමුකො දැන් මොකක්ද අරූ කරපු වැරැද්ද......
පාල හාමිනේ -: ""වැරැද්ද.. වැරැද්ද තමා පිරිමි ඔක්කොම එකයි....
මම --: නංගි මේ ඔයා පිරිමි ඔක්කොම එකයි කියන්නෙ ඔයා හැම එකා එක්කම --
නෑ නෑ එක්කො ඒව ඕන නෑ.. දැන් කියනවද හරියටම වෙච්ච දේ...
තරමක් කේන්ති ගොස් සිටියද පාල හාමිනේ සියලු විස්තර මා සමග පැවසූ අතර
සිද්ධිය ඇසූ මාහට සිනාව නවතා ගත නොහැකිවිය.. මාගේ සිනාව නිසා උරන වූ පාල හාමිනේ යෙහෙලියගේ අතින් ඇදගෙන යන්නට ගියේ මටද කෝපයෙන් බැන වැදීය... ආපසු ගරාජයට ගිය මාසිදුවී ඇති ජංජාලය ලොක්කාට පැවසීමෙන් පසු ලොක්කාද බඩ අල්ලාගෙන සිනාසෙන්නට විය...

Sunday, November 4, 2018

කෙල වීම කලාවක් නම් එහි පිකාසෝ පාලයාය... මලයා එහි මයිකල් ආන්ජිලෝය.

කෙල වීම කලාවක් නම් එහි පිකාසෝ පාලයාය... මලයා එහි මයිකල් ආන්ජිලෝය... පමනට වඩා ඕනෑම දෙයක් ඕනෑම නැත කිව්වාට පාලයාට නම් එය අදාල නැත.... කන්න ගිය විට කබරගොයාත් තලගොයා කරගන්න පාලයා ඉල්ලන් පරිප්පු කෑ අවස්ථා එමටය..... තැනක් නොතැනක් නැතුව කරගන්න දේවල් වලින් පාලයා නාන විට සබන් සහ තුවා සැපයීම මාත් පට්ටලයාත් ආසාවෙන් කල රාජ කාරියක් විය.... කෑමෙන් බීමෙන් පමනක් නොව ඇඳුමෙන් පැලදුමෙන් පවා පාලයා අපව සිනාගැස්සුවේ චාලි චැප්ලින්ටත් වඩා හැකියාවෙන් අනූනවය.... රාජකාරී වෙලාවට අමතරව සවස් යාමයේදීත් මහන්සි නොබලා ගැලරිය පිනවූ පාලයියා මෙදා පොටේ අපූරුම ආතල් එකක් ගත්තේය.......
ගරාජය යනු එක්තරා ආකාරයකින් විශ්ව විද්‍යාලයකි... බොහෝ විට ගරාජය තුල දකින්නට ලැබුනේ රියදුරු රැකියාව කරන ඇසූ පිරී තැන් බහුල සමාජ දැනුමේ කප් ගැසූ එවුන්ය... දිනකට කිලෝමීටර් දෙතුන් සීයක් රිය පදවමින් රට වටේ දුවන උන් මෙන්ම අහල පහල ගම්වටේ කරක් ගසමින් සියල්ල පිලිබද හසල දැනුමක් ඇත්තෝ ගරාජයට නිතර පැමිනීම නිසා අපට ලැබුනේ සුලුපටු දැනුමක් නම් නොවේය..... පාල අයියාද ඔවුන් සමග හරි හරියට කදේ දමාගෙන සිටින්නේ මහා ලොක්කෙකු ලෙසය... වචනයෙන් දෙකෙන් පාල අයියා කවුදැයි ඔවුන් අවබෝධ කරගන්න අතර ආතල් එකක් ගැනීමේ අභිලාශයෙන් ඔවුන්ද පාල අයියා ෆෝම් කරන්නේ කාලය ගෙවා ගැනීමට හොඳම අවුසදය එය බැවිනි..
එදින පාලයා නිවාඩු දැමූ දිනයක් විය.... කාගේ හෝ අත්‍යාවශ්‍ය වැඩකට ගරාජයෙන් පිට වී සිටි පාල අයියා හවස් වරුවේ ආපසු එනවිටත් ගරාජය වසා තිබුනේ නැත... එදින වැඩ බහුල දිනයක් නොවූවත් හවස් වරුවේ ගරාජයට ආවේ මොනරාගල සිට අගනුවර දෙසට කුලී ගමනක් ගිය ලොරියක්ය.... මංගල්ලයක දෑවැද්ද රැගෙන ගිය මෙම ලොරි රාජයා අපගේ ගරාජය ආසන්නයේදී ගෑස්කට් ගොස් ඇත... ධාවනය කල නොහැකි මට්ටමට වාහනය දුර්වල වීම නිසා ඔවුන් ගරාජයක් සොයන විට අපගේ වැඩපල ගැන ඔත්තුවක් ලැබී ඇත... සෙමෙන් සෙමෙන් වාහනය ගරාජයට දක්කාගෙන එනවිට වේලාව සවස හතරට පමන විය.... හෙට දිනයේ අත්‍යාවශ්‍ය ගමනක් යෑම නියමිතව තිබීම නිසා ඔවුන්ගේ අභිලාශය වූයේ ලොරිය කෙසේ හෝ යතා තත්වයට පත් කර ගැනීමයි.. හවස් වරුවේ ලැබෙන උලුක්කු බාර නොගැනීම ලොක්කාගේ තීර්නය වුවත් අසරන වී සිටි රියදුරු මහතා දැකීම නිසා මා වැඩය බාරගත්තේ ලොක්කාගේ මරන තර්ජන මැදය.... ""උඹට ඕනි එකක් කරගනින්"" කියා ගරාජයේ යතුර මා අතට පත්කල ලොක්කා පහමාර වන විට ගෙදර යන්නට ගියේය.... වහ වහා ලොරිය ගරාජය ඉදිරි පස මිදුලේ නවත්වා ගත් මම ගෑස්කට්ටුව ගැලවීමට සූදනම් විය.... ඒ වන විටත් වේලාව හතර හමාර වී තිබුනු අතර පහමාර වන විට ගෑස්කට්ටුව ගලවා අවසන් විය..... අවශ්‍ය කරන අඩුම කුඩුම ලිස්ට් එකක් සාදා මාතලී අතට පත් කල මා ඔහුව ගලබඩයාගේ ආටා එකට ගොඩ කරවා යැවුවේ අසල නගරයටය....
(ගෑස්කට් ගියා කියන්නෙ ගෑස්කට් එක සවුත්තු උනා කියන එක..කාන්තාවන්ගේ අවධානයට..)
අමතර කොටස් රැගෙන එනතුරු පොඩිමල්ලීට එන්ජිමේ අදාල කොටස් පිරිසිදු කිරීමේ කාර්ය බාරදුන් අතර මා ලොරියේ පැමිනි අනෙකුත් සාමාජිකයින් සමග කතා බහක යෙදෙන්නට විය..... ආගිය තොරතුරු කතාකිරීමෙන් අනතුරුව ඔවුන්ගේ තීරනය වූයේ මා ලොරිය සවිකරන තෙක් මදුවිතක රසය බැලීමටය.. වහ වහා පොල්ලෙල්ලාගේ ත්‍රීවීලයට ගොඩවූ ඔවුන් දෙදෙනා ටවුමට ගොස් හතරැස් බෝතලයකුත් බයිටුත් රැගෙන ආපසු ආවේය.... ගරාජයේ අයිනක යකඩ බංකුවක බෝතලයත් බයිටුත් තබාගෙන මදුවිත පානය ඇරඹූ මිතුරන් දෙදෙනාට වැඩි වේලාවක් කාරිය කරගෙන යාමට වෙලාවක් නොවීය.... එතනට පාලයා කඩා පාත් වූයේය..... කඩා තිබූ අරක්කු බෝතලය දිහා කෑදර බැල්මක් හෙලූ පාලයා ඔවුන් සමග කතාවට වැටුනේ කලක සිට දන්නා හදුනන අයවලුන් ලෙසය... පාලයා එන්නෙ මොකාටදැයි දැනගත් පරිත්‍යාගශීලී මිතුරන් දෙදෙනා පාලට කට කපා ශොට් එකක් වත්කර අතට දුන්නේය... එයින් තවත් ගැම්මක් ආ පාල අය්යා කට දෙපස වන වෙන තුරු කියවන්නට විය.... පාලගේ ආතල් විස්තර නිසා මඥ්ඥං වූ දෙමිතුරෝ තවත් බෝතලයක් ගෙන ඒම සඳහා පාලයා පිටත් කර ඇරියේ අතට මුදල්ද ලබාදීමෙන් අනතුරුවය.... කාගේ හෝ ත්‍රීවීල් කටුවක නැගී ටවුමට ගිය පාල අයියා බෝතලයක් රැගෙන ආපසු ආවේ විනාඩි ගනනකින්ය..... නැවතත් මිතුරන් සමග එක්වූ පාල අයියා කට කපා අරක්කු ගසන අයුරු මා බලා සිටියේ වැඩකරන අතරතුරදීය.... රාත්‍රී හත වන විට අමතර කොටස් රැගෙන ඩ්‍රයිවර් ලොක්කා පැමිනි අතර මාද වහ වහා ඇන්ජිම සවි කරන්නට විය... දන්න දේත් නොදන්න දේත් කටට එන ලෙස ඇද බාමින් පාලයාද දෙමිතුරන්ගේ අරක්කු බෝතලයට වැඩේ දෙන්නට විය.. ඇට්ට කුනා වෙන තරමට වෙරිවී සිටි පාල අයිය දෙතුන් පාරක් ඇදගෙන වැටුනත් අරක්කු බෝතලය අමතක නොකලේය.... චිකන් ඩෙවලුත් මුරුක්කුත් සමග අරක්කු ගුදමක් පානය කර සිටි පාල අයියා ටික වේලාවකින් උන් තැනම නිදාගන්නට විය.... ඒ වන විට මාද ලොරිය සවිකර අවසාන විය.... නැවත වාරයක් එකින් එක පරීක්ශා කල මා රේඩියේටරයට වතුරද පුරවා එන්ජිම ස්ටාට් කල අතර පොඩිමල්ලී ආවුද සියල්ල පිරිසිදුකොට අස්පස් කර ගරාජය වසා දැමුවේය.... ටික වේලාවක් වාහනය ස්ටාට් කර තබා එන්ජිමේ තත්වය පරීක්ශා කල මා එහි අඩුවක් පාඩුවක් නොවූ බැවින් දාවනයට සුදුසු බව තීර්නය කලේය.... ලොක්කාට ඇමතුමක් ලබා දී ගනන් හිලව් බේරා සියල්ල අවසන් කල අතර ඩ්‍රයිවර් ලොක්කා හිත සතුටින් රුපියල් දහසක සන්තෝශමක්ද මා අතට පත් කලේය... මාගේ ජංගමයේ අංකයද ඉල්ලා ගත් ඔහු නැවත මේ ප්‍රදේශයෙන් ගමන් කලහොත් ආපසු එන බව පවසා ලොරියට නැග ගත්තේය..... බමන මතින් ගුවන්ගත වී සිටි දෙමිතුරෝද අනෙක් පසින් ලොරියට නග්ගවා ගෙන ඔවුන් ගමන් ඇරඹූ අතර මාද පොඩි මල්ලීද නාගෙන උඩ තට්ටුවට රිංගා නිදාගත්තේ රාත්‍රී එකොලහටත් පසුවය.....
පසුදා ගරාජය විවෘත කරන විටත් පාලයා ආපසු පැමින සිටියේ නැත. දහවල් එකොලහ වන විට පාල අයියා කොහේදෝ සිට හොඳටම හෙම්බත් වී පැමිනි අතර අපට මුහුනදීමටද එතරම් කැමැත්‍තක් දැක්වූයේ නැත..... දින දෙකක් වැඩට නොපැමිනීමත් ලොක්කාගේ බැනුම් නිසාත් එසේ වන්නට ඇතැයි සිතූ අප කිසිවක් නොවූ ගානට වැඩෙහි යෙදෙන්නට විය... එදින දවසම උඩ තට්ටුවේ ලෑලි ඇඳේ නිදාගත් පාල අයියා සවස හයට පමන අවදි වී නාගත්තේ කලකට පසුවය..... නෑමෙන් පසු කලිසමක් කමිසයක් ඇඳගත් පාල අයියා පාරට බැස කොහේදෝ යන්නට ගියේය..... මාද සවස වැඩ අවසන් වී කෑම රැගෙන ඒමට බයිසිකලයට ගොඩවූ මුත් එයට තරමක බාධාවක් වූයේ ජංගමයට නොදන්න අංකයකින් පැමිනි ඇමතුම නිසාය....
මම = ""හෙලෝ.... කවුද මේ.....""
ලොරිඅයියා = ""ආ මල්ලි මම මේ ඊයෙ ලොරිය හැදුවෙ ඒකෙ ඩ්‍රයිවර් අයියා කතා කරන්නෙ..""
""හප්පට සිරි අයියෙ මොකෝ අවුල ආයෙ ලෙඩේ ආවද...."
""නෑ නැ මල්ලි ලොරියෙ නම් අවුලක් නෑ.... ඒත් වෙන අවුලක් උනානෙ...""
""ලොරියෙ අවුලක් නැත්නම් කමක් නැ.... ඉතිං කියන්ඩකො මොකද්ද අවුල....""
""මේකයි මල්ලි ඊයෙ රෑ පොඩ්ඩක් පරක්කු වෙලා තිබුන හන්දා මාත් ටිකක් ""
පාගලාම ආවා... ""මොකද අදත් හයර් එකක් බාර අරගෙනනෙ තිබ්බෙ... එක
පිම්මටම මොනරාගලටම ආවා.... නිදිමත වගේ පොඩ්ඩක් ආපු හින්දා ටවුන් එකේ
කඩේක නවත්‍තලා ප්ලේන්ටියක් බිව්වා.... ප්ලේන්ටියත් බීලා ලොරියට නගින්න
හදනකොටම පිටිපස්සෙන් සද්දයක් ඇහෙනව.... මොකක්ද කියල හිතාගන්න
බැරුව පිටිපස්සෙ බොඩියෙ දොර ඇරල බලනකොට අර අපේ දෙන්න එක්ක ඊයෙ
හොඳටම බිව්ව හාදයා ලොරිය ඇතුලෙ ඉන්නවා වැනි වැනි....
මම = ""මල හත්තිලව්වයි යකෝ මූ මොනරාගල ගිහිල්ලද..... එතකොට ඒක
තමයි මූ ආගිය අතක් නැතිව හිටියෙ... අපි බැලුවා කෝ යකෝ මූ කියල....""
ලොරි අයියා = ""ඔව්නෙ මල්ලි මල මගුලක් වෙන්නෙ... මේ යකාට ඒ වෙනකොටත්
සිහියක් පතක් නෑ වෙරි හොඳටම... අම්මපා මල්ලි දෙයියෙක් වගේ ඊයෙ කරපු
උදව්ව නිසා මේ යකා මග දාලා යන්න භිතුනෙම නෑ අපිට....
මොකෙක් උනත් මනුස්සයෙක්නෙ කියලා මම දන්න කඩයක් ගාව නවත්තලා
ඒකෙ හිටපු නාට්ටාමියෙක්ට කියලා මූව කඩේ පිටිපස්සෙ නිදිකරවලා
හතහමාර බස් එකේ නග්ගවලා යවන්න කියලා ආවා... අතේ සතපහක් නෑ...
රුපියල් තුන්සීයක් කඩේ මල්ලිට දීලා මම ගෙදර ගියා....
මම = ""මල හත්තිලව්වක්නෙ අයියෙ වෙලා තියෙන්නෙ ඔහොම දෙයක් ගැන මූ
කිසිම දෙයක් කිව්වෙ නෑ මාත් එක්ක...
ලොරිඅයියා = "" රෙද්දක් ඇඳගෙන කියන්න පුලුවන් එකක්යැ මල්ලි වෙලා
තියෙන්නෙ...මූට මොකක් හරි උනානම් මමත් හිරේ යනවා...
පාල අයියාට සිදුවී ඇත්තේ එසේ මෙසේ අකරතැබ්බයක් නොවේය.... ලොරියේ අයියා මා ලොරිය සවිකරන අතරවාරයේ ලොරියේ පිටුපස තිබූ දොර ඇර එහි දමා තිබූ ස්පෙයා වීල් එක එලියට ගත්තේය.... අසල තිබූ ටයර් කඩය වෙත එය රැගෙන ගොස් ඇත්තේ සුලං පිරවීමටය... කුනු පෙරේතකමට පින් අරක්කු බීම නිසා පාලයාට හොඳටම වෙරි විය.... යන එන තැනක් සොයාගන්නට නොහැකි වූ පාලයා ලොරියට ගොඩවී ඇත්තේ උඩ තට්ටුව යැයි සිතාය.... ලොරි බොඩියේ මැද තිබූ කාර්ඩ් බෝඩ් ගොඩට පතබෑවුනු පාලයාට සිහියක් පතක් නොවීය.... අරක්කු තුනකාලක් පමන බී සිටි පාලගේ සිහිය විකල් වී තිබුනේය.... ලොරි බොඩිය ඇතුලේ කවුරුන් හෝ ඉන්නවාදැයි නොදත් ලොරි අයියා ටයරය නැවත පටවා දොර වසා දැම්මේය..... ස්වල්ප වේලාවකින් සාදා නිමකල ලොරිය පිටත්ව ගියේ පාලයාවත් රැගෙනය.... ශරීරයට උහුලාගත නොහැකි වෙරි මත නිසා පාලට ලොරියේ ගැස්සීම එතරම් අවධානයකට ලක් වූයේ නැත.....
ලොරිය මොනරාගලට ආසන්නවන විට පාලගේ සිහිය සෙමෙන් සෙමෙන් එලඹී ඇති අතර කාඩ් බෝඩ් ගොඩේ වමනය දමා නන්නත්තාර වී සිටි පාල අයියා ලොරිබොඩියට ගසා ඇත්තේ කවුරුන් හෝ අහලක පහක ඇතැයි සිතාය....
සිදුවූ සියල්ල නියම ගානට පෙලගස්වාගෙන ලොක්කාට පැවසූ අතර ලොක්කාද බඩ අල්ලාගෙන සිනාසුනේය.... ලොක්කා ඉදිරිපිට ""කොහොමද මොනරාගල ගමන"" කියා ඇසූවිට යකා තද වූ පාලයා ඇසුවේ එකම එක දෙයකි... ""කොහොමද යකෝ තෝ මේවා හරියටම හොයාගන්නෙ"" කියා පමනකි....මසකට පමන පසු අගනුවර බලා කුලී ගමනක් ගිය ලොරිඅයියා මාව මුනගැසීමට පැමින තිබුනේ ආපසු යන අතර තුරදීය.... ලොරි අයියා ගරාජයෙන් ඇතුලට එනවාත් සමගම පාල අයියා කොටතාප්පයෙන් පැන අතුරුදහන් වූ ආකාරය නම් අපූරුය....